Қадірлі достар!
«Даму-Көмек» Бағдарламасының сайтына қош келдіңіздер!
Бұл Бағдарлама өзінің қарым-қабілетін өмірде ғана емес, бизнесте де жүзеге асыруға талпынып отырған, жігері жасымаған, рухы мықты жандар - мүгедек-кәсіпкерлерді қолдау мақсатымен әзірленген.
Осы тәріздес жобаларды іске асыру тәжірбиесі көрсеткендей, қашан да, көмек бергісі келетін жандардың саны оны алғысы келетіндерден әлдеқайда көп. Ал кәсіпкерлер уақыттың тарлығы, қалай және немен көмектесу керектігін білмеу тәрізді объективті себептермен – өздерінің ізгі ниеттерін жүзеге асыра алмай жатады. Біз мүмкіндігі шектеулі кәсіпкерлер мен әлеуетті демеушілер арасын жалғайтын негізгі буын болуға дайынбыз. Көмекті әркім де көрсете алады және оның қаржылай көмек болуы да шарт емес. Әлдекім артық-ауыс жиһазымен бөліссе, енді біреу кеңсе техникасы түріндегі көмегін ұсынуына болады, тіпті, білгенімен бөлісіп, «іс тетігін үйретемін» - деушілер де табылуы ғажап емес. Сіз ешкімге салмақ салмай, тұрақты табыс тауып, қоғамдық өмірімізге жан-жақты және тең дәрежеде араласуды қалайтын жандарға нақты, атаулы көмек көрсете аласыз.
Қандай мәселені болсын мүдделі барлық тараптардың өзара тығыз іс-қимылы арқылы сәтті шешуге болады. Демек, алдыға қойған мақсатқа әрбіріміз саналы түрде үлес қосқанда ғана қол жеткіземіз деген сөз.
Құрметпен, Ләззат Ибрагимова
«Даму» кәсіпкерлікті дамыту қоры» АҚ Басқарма Төрайымы