Енді олар өз кәсібін бастайды!

Тәуелсіздік күні мерекесі қарсаңында «Даму» кәсіпкерлікті дамыту қорының Ақтөбе облыстық филиалында мүмкіндігі шектеулі азаматтарға қолдау көрсетуге бағытталған шара өткізілді.

Аталған қордың «Даму-Көмек» бағдарламасы аясында «Халық Банкі» «АLEKS ASU» ЖШС, «Акрас Металл» ЖШС, «Нұрлы Мұнай» ЖШС секілді өзінің серіктестерімен және «Халык Life», «Казахинстрах», «Халык Инкассация» еншілес ұйымдарымен бірлесе отырып 10 адамға көмек көрсетті. Олардың қатарында Хромтау, Шалқар, Темір, Ойыл және Қарғалы аудандарының, Ақтөбе қаласының тұрғындары бар. Өз кәсібін бастаған мүгедек азаматтарға жұмыстарына қажетті жабдықтар тегін берілді.

— Мәселен, хромтаулық Ракия Салықбаева мен шалқарлық Гүлнұр Бекмырзаева тігін машиналарымен, темірлік Болатбай Барбосынов тоңазытқыш жөндеуге арналған құралдармен, ойылдық Дархан Дүйсенов аяқкиім жөндеуге арналған жабдықтармен қамтамасыз етілді. Тағы да бірнеше азаматқа өз ісін бастау үшін пластикалық терезелер өндірісіне, кілт жасауға арналған құралдар, ноутбуктер тапсырылды, — дейді «Даму» қорының облыстық филиалының бас менеджері Әліби Сабыр.

Мейрамгүл РАХАТҚЫЗЫ.

http://www.aktobegazeti.kz/?p=34877

www.aktobegazeti.kz (Казахстан), 22.12.2015

 

Біздің байланыс

Қазақстан Республикасы, Алматы қ.
Гоголь көшесі, 111
Тел.: +7 (727) 244 55 66, 244 55 77
Факс: +7 (727) 278 07 76
Э-пошта: